Inson o’zi sevgan kasbi ortida jamiyatda obro’-e’tibor qozonadi. O’z o’rniga ega bo’ladi. Olmaliq kon-metallurgiya kombinati ishlab chiqarishni muvofiqlashtirish bo’limi dispetcheri sifatida faoliyat yuritgan Irina Kolosova ham fidokorona mehnati orqasidan jamoada hurmatga sazovor. Bugun Irina Grigoryevna tantanali ravishda nafaqaga kuzatildi.

Ayni kunlarda yurtimizning eng ulug’ bayramlaridan biri - qadriyatlarimiz, urf-odatlarimizning timsoli bo’lgan 9 may - Xotira va qadrlash kuni an’analari keng davom etmoqda. Ushbu pallalarda inson sha’ni yuksalgan va mehnati qadr topgan yurtimizda keksalarimizni e’zozlash, ularga alohida ehtirom ko’rsatish, o’tganlarni yod etish muqaddas qadriyatimizga aylangan.

Bu yil insoniyat fashizm ustidan qozonilgan g’alabaning 75 yilligini nishonlaydi. Millionlab insonlar yostig’i quritgan Ikkinchi jahon urushida ishtirok etib, tinchligimiz osuda hayotimizga zamin yaratgan ota-bobolarimiz hamisha e’zozda.

Mehnat barcha zamonlarda buyuk huquq va zaruriyat sanalgan. Shaksiz, dunyoning tamali mehnat asosiga qurilgan.